Startseite› Schwangerschaft

Novemberli 2021

2

Kommentare

  • LaHappyLaHappy

    57

    Symbol
    Ja ist es ☺️. Meinst du das es daran liegen könnte? Ich hab schon ein wenig Angst, weil ich nicht genau weiss, wie alles abläuft
  • SVeNjA2020SVeNjA2020

    0
    Ach nei nei. Da het nüt mit dem ztue🙂 isch mir genau glich gangä bim erste. Das ungewisse macht nervös
  • MahalMahal

    51

    Symbol
    Am 8.11. isch ET.

    Am schlimmste findi jo scho Müedigkeit, chönt teilwis ständig schlofe. Ab und zue isch mir extrem schlecht, aber dörf mi nöd beklage, isch selte.

    Und über Stimmigschwankige beschwehrt sich eher min Fründ 😂


    Wie gsehnd bi eu US Termin aktuell weg Corona us? Dörf eure Fründ/Maa immer mitcho?

    Bim Erste letscht Monet hät er leider nöd döre mit, nögstmol denn zum Glück scho.
  • dixi90dixi90

    174
    Min Ma hed die 2x dörfe mitcho (8. SSW und 13. SSW). De nöchscht FA-Termin isch erscht ir 21. SSW. Denn sött er ou dörfe mitcho :-)

    Ich bin jetzt ir 14. Woche und immer no sehr, sehr müed. DÜbelkeit wird langsam besser. Leider hani sit öpe 2 Täg mega Chopfweh und weiss nid so rächt, öbi öpis söu nä.
  • SVeNjA2020SVeNjA2020

    0
    Er dörf mitcho aber nur zum US. Aso er muä dusse warte, denn inä für dä US und denn wider goh.🤷‍♀️
    dixi90 du muesch jo jetzt mega lang warte
  • MahalMahal

    51

    Symbol
    dixi90 schrieb: »
    Min Ma hed die 2x dörfe mitcho (8. SSW und 13. SSW). De nöchscht FA-Termin isch erscht ir 21. SSW. Denn sött er ou dörfe mitcho :-)


    Ou schön. Ide 8. hät er leider nöd döre mit. Ide 13. und 21. SSW denn zum Glück aber scho 😊


    I ha au scho es Panadol gnoh, well i ase Kopfweh becho han. Dass me Medis nöd wie Sugus schluckt isch scho wichtig, aber gad Paracetamol dör me neh, wenn me schmerze hät :)
  • dixi90dixi90

    174
    @Mahal Hesch du ou nur ir 13. und 21. Woche ä Termin und dezwüsched nid?
  • littletuliplittletulip

    1
    Also bi eus hends zerst gseit er döfi eigentich ned, aber woni den ein tag vorher namal nagfrögt han, hends gseit ich söllen doch trotzdem mitne :) findes selber sehr wichtig, ihn debi z ha, damit er au e gueti Verbindig mit em Chind chan ufbaue. Sit det (8. SSW) ischer etz au viel meh involviert. I 2.5 wuche hemmer den de 12 wuche check, freued eus scho sehr 😍
    April2022
  • MahalMahal

    51

    Symbol
    dixi90 schrieb: »
    @Mahal Hesch du ou nur ir 13. und 21. Woche ä Termin und dezwüsched nid?

    Da weiss i no gar nöd. I weiss nume, dass es denn jewils en US git. Am Samstig isch jo denn de 12. SSW Check, denn weiss i nocher meh, wenn das i denn de nögst Termin ha :)

    @littletulip I ha au extra am Morgr nomol aglütet, aber bim erste US händs gseit döret Männer im Moment nöd debi si.
    Findi scho sehr schad, meh als denn chömeds jo gar nöd würkli vom Baby was mitüber...
  • littletuliplittletulip

    1
    @Mahal Voll, das hani ebe au denkt. 😐 hoffe sie ändered die Reglig bald wieder, dass mer ihn wieder chan mitne.

    Han mal welle fröge wies bi eu so mit sport usgset. Ich bin nanig mal 3 Mönet schwanger und han s gfühl es chlises Büchli gset mer trotzdem scho 😅 vorallem aber am abig. Ich denke es isch aber au willi fascht kei sport meh mache us angst am Baby öpis schlechts aztue. Wie mached ihr das?
  • MahalMahal

    51

    Symbol
    Min "Sport" sind mini Spaziergüng mit de Hünd. Die sind immer no di gliche, meh machi also nöd 😅
    Wobi ich weg mim doofe Rugge jetzt denn sicher au mit de Gymnastik afange werd.

    Je noch Frau chas scho sie, dass mes bi dir jetzt scho chli gseht, dass schwanger bisch :)

    Wa häsch denn bis jetzt für Sport gmacht?
  • littletuliplittletulip

    1
    Also vorher hani ebe Tennis gspielt und wos na gange isch bini is gym. Aber Tennis isch mer es z grosses Risiko. Evtl gani wieder mal is Gym eifach uf sone usduur maschine oder han au scho denkt sones Schwangerschafts-Trainings-App abezlade.

    Was für Gymnastik meinsch den du? Au im Gym oder eifach so dihei? Das isch na e gueti Idee
  • LaHappyLaHappy

    57

    Symbol
    Ich hab seit 2 Wochen mit Schwangerschaft Yoga angefangen und es ist toll. Mit den Atemübungen kannst du langsam anfangen eine Verbindung zum Baby aufzubauen und es ist gleichzeitig eine Geburtsvorbereitung 🤩
  • MahalMahal

    51

    Symbol
    Dihai. I ha für min Hund unzähligi Sache do für sini Physio, da nutz i jetzt eifach au teilwis selber.

    Mit em eigene Körpergwicht arbeite dörsch jo immer :)
  • dixi90dixi90

    174
    Ich han vor 2 Woche weder agfange (jetzt wo‘s mir chli besser god) mitem Crossfit. Due aber schöön süferli ohni Extragwicht, sondern bide meischte Üebige mit de Langhantle eifach dir leeri Stange (15kg) bruche und lose uf mis Buuchgfühl und han ä Blick uf Pulsuhr.
  • littletuliplittletulip

    1
    Euii Inputs sind super und hend mich etz gat motiviert sones Schwangerschaftstrainingsprogramm z starte! Hoffe es hilft chli gege die wachsende Fettpölschterli 😅
  • MahalMahal

    51

    Symbol
    dixi90 schrieb: »
    lose uf mis Buuchgfühl und han ä Blick uf Pulsuhr.

    I denke genau uf sis Buchgfühl sött me lose. Wenn eim öpis guet duet denn ischs auf fürs Baby nöd schädlich.
    Mengmol mue me sich au wieder bewusst werde, dass üse Körper defür gmacht isch und de Mensch au e Arbeitstier isch und nöd uf Schonig usgleit.

    Wobi min Körper im Moment anderer Meinig isch. Chönt de ganz Tag schlofe 🥱


    Wie gohts eu?
  • littletuliplittletulip

    1
    Ja, das versuechi mer au di ganz ziit vor Auge z füere. Mir sind ja zu dem gmacht :)

    Also ich au, chönt nume schlafe 😴😴 min ma findets super will ich suscht immer liecht hyperaktiv bin 😂 suscht hani ned so belaschtendi symptom. Mir isch au ned schlecht oder so. Mues nur die ganz ziit ufs wc :) und fiebere de 12. wuche entgege 😍 hesch du na anderi symptom? Und wie wit sind ihr eigentli?
  • MahalMahal

    51

    Symbol
    I dör au nöd klage. Ha zwor scho au Übelkeit gha, e paar mol ganz schlimm, aber echt im Rahme.

    Di schmerzende Brüst sind am schlimmste gsi. Bi mengmol ide Nacht ufgwacht wells so weh due hät...

    Bisher e "normali"/durchschnittlichi Schwangerschaft 😂


    I bi jetzt 12+5 und ha hüt en US gha. Gseht alles super us und es hät richtig zabblet. Wird plötzlich so real. Und sie hät sogar 3D Bilder gmacht 🥰
  • littletuliplittletulip

    1
    Ahh so schön! Isches standard, dass mer es 3D-Bild chan mache? 😍 das isch ja mega cool!
    Hoffed mer, dases für eusi Symptom so ertragbar bliebed ☺️ ich freu mi scho ufs 2. Trimester, dass söll ja so chli d „honeymoon“-Phase si ☺️ wos eim relstiv guet gat! Und ich freu mi druf entli nüme so es Gheimnis mache z müese
  • MahalMahal

    51

    Symbol
    Kei Ahnig, ha gmeint nöd, aber sie häts eifach gad au gmacht. Isch wohl gar kei Kunst, zumindest hät ein Knopfdruck glanget zums i 3D azeige 😅

    Isch aber nöd so fotogen gsi. Hät sich lieber verstecket 🤭
    mp6ma75atzac.jpg

    Schatz und i gsehnd do en Mittelfinger 😇🖕🤣


    Jo me seits, i hoff isch eso. Dörf jetzt gern wieder ruhiger werde und sich alles wieder ipendle.
    Und jo, jetzt mueni au nüme 3x überlegge öb i was säg oder nöd 😁
  • SVeNjA2020SVeNjA2020

    0
    Oh so cool😍 i bi au froh wenn mir de erst gross untersuech hinder üs hend. Chas chum erwarte.🤗 und wiä d littletulip seit. Nöd immer so es riese Gheimnis müese drus mache.
  • littletuliplittletulip

    1
    Wow die sind ja mega cool die 3d bilder!! Und gset wükli wie de Mittelfinger us 😅😅 Hoffentlich chumi au so eis über 😍 chans chum abwarte!
  • littletuliplittletulip

    1
    Han grad d Kontrolle gha und bin sogar ei Wuche witer als mir denkt gha hend, scho 12w2d 😍 freue mich so drüber! Wie gats eu?
  • MahalMahal

    51

    Symbol
    So schön, denn häsch di 12 Wuche endlich hinder dir! 😃

    14w3d und so langsam dörfs wieder normal werde. Übelkeit und Müedigkeit sind no immer do, aber süsch gohts mir guet.

    Wie händ ihrs?
  • muemelmuemel

    2
    Hoi zäme.
    Han grad ersch jetz d app abeglade und s erste thema woni gfunde ha sind ihr... min et isch am 20.11. und es gid en Bueb.

    Freu mich druf mich chli meh mit euch usztuusche.
    Han hüt nämli bscheid becho, dass mis bluet zu grinnigsfreudig isch und i jetz bluetverdünner sprütze mues bis zur geburt. Machtmer chli sorge und muen mi no chli driläse is thema. De arzt isch sehr unsensibel gsi und drum weiss i no ned wasi devo halte sell.

    Aber abgseh devo gods eus super :)

    Und be euch?

  • SVeNjA2020SVeNjA2020

    0
    Hallo muemel. Mir hend suss ä whats app gruppe wenn au willsch biträtä🙂
  • muemelmuemel

    2
    Hi svenja.
    Ja das wär toll.
  • SVeNjA2020SVeNjA2020

    0
    Schriebsch mir dini nummer per nachricht. Denn chani di inätue🙂
  • Seri84Seri84

    10

    Symbol
    Hallo zäme

    Ich bi da bi eure Gruppe hange bliebe. Ich ha min Et am 6.11. Dörf ich ächt au bi eurer Whats app Gruppe biträte?
    Liebe Gruess
  • SVeNjA2020SVeNjA2020

    0
    Hey🙂 jo klar🤗 schrieb mir doch dini nr👍
  • muemelmuemel

    2
    Hi svenja.
    Hani dir mini nr falsch gschickt? Hesch mi jedefalls noni iglade oder?
  • SVeNjA2020SVeNjA2020

    0
    Jesses gott sorry. Bi gad go luege bi de nochrichte. Ha aber nüt übercho.
  • beadabeada

    0
    Heyyy mega endli hani das coole App gfunde…. endli mal chli usttusche mit lüt vo de Schwiiz🥰🥰 min EGT isch de 6.11 und werded s 1. mal Eltere und s git es Maitli, sind scho mega ufgregt und voller vorfroid am Zimmer ihrichte und planä🥰🥰🥰🥰
  • SVeNjA2020SVeNjA2020

    0
    Hey beada. Wenn lust hesch chasch i üsi whats app gruppe cho🙂
  • beadabeada

    0
    Ha der e PN gmacht😊😊
  • SVeNjA2020SVeNjA2020

    0
    Han nüt übercho😬
  • MahalMahal

    51

    Symbol
    SVeNjA2020 schrieb: »
    Han nüt übercho😬

    Ich ha dir au e PN gschickt, komisch.
  • brixNZbrixNZ

    0
    Es gitt glaub momentan es Problem mit dä private Nachrichte
  • beadabeada

    0
    Hmmmm has nomal probiert😅
  • SVeNjA2020SVeNjA2020

    0
    Mahal dini isch ahcho. Tue di no inä👍
  • SVeNjA2020SVeNjA2020

    0
    beada han dir e nochricht gschriebe
  • beadabeada

    0
    Nix cho🤷🏻‍♀️
  • muemelmuemel

    2
    Füeg mich demfall bitte so dezue...
    079 812 27 25
  • saritaa89saritaa89

    1
    Hoi zämme , chönntet ihr michvau hinzuefüege , wem müessti eh Pn mache ? Min Et isch dr 2.11.21

  • SVeNjA2020SVeNjA2020

    0
    Sicher. 🙂 chaschmer schriebe
  • saritaa89saritaa89

    1
    SVeNjA2020 falls kei nochricht becho hesch könntisch du mir schriebe?
  • SVeNjA2020SVeNjA2020

    0
    Han dir gschriebä👍
  • IvanaBIvanaB

    2

    Symbol
    Hoi zeme☺️ mier erwartet au im November euses 2te Chind, es Meiteli. Hent en 2jährige Sohn und wohnet I'm Bade, Aargau. Wür mich au über en Ustuusch mit eu freue.
  • MahalMahal

    51

    Symbol
    Ich schrieb dir mol e PN :smile:
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren
Social Media & Apps

Made by FOKUS KIND Medien Logo ©2012-23 FOKUS KIND Medien, Alle Rechte vorbehalten

Forenregelen & Nutzungsbedingungen • Datenschutzerklärung & Cookie Policy
Impressum & Werbung
Registrieren im Forum