Partner Positiv auf Covid getested

rosa. · 16. 01. 2022, 21:30

Nur us neugiir...

Min partner isch positiv testet worde. Er het sit em mäntig symtom und am fritig positiv testet worde (pcr). Sit em fritig isch er au in isolation. Ich ha mich hüt dihei testet (kei symtom) bin au negativ. Cha das sii, das ich devo cho bin?
Mir sind beidi 2x gimpft, er sogar boosteret.

nic10 · 16. 01. 2022, 21:56

Mi Maa hets o ka u het zersch nid wöuä ga teschte da är het dänkt ka das sig eh ä normali Grippe😊 Ig bi nid gimpft u ha mi o nid agsteckt😊

Gröipschi · 16. 01. 2022, 22:28

das cha guet si. ä fründin het nid mou ihre maa agschteckt, obwou si sech nid isoliert het u är nid gimpft isch.

rosa. · 16. 01. 2022, 22:31

Wer het den min titel gänderet, inkl schribfähler? 😅

rosa. · 16. 01. 2022, 22:32

@nic10 und @Gröipschi, danke fürs feedback. Den bini froh

rosa. · 17. 01. 2022, 07:24

rosa. schrieb: »

Wer het den min titel gänderet, inkl schribfähler? 😅

@Admin?

Primeli · 17. 01. 2022, 13:23

I ha o zwo familie im bekanntekreis wo d‘froue positiv si gsi, d‘chind hei kränklet, aber nid testet u d‘manne beidi negativ. Aui ungimpft…

dixi90 · 17. 01. 2022, 13:25

Jo chan guet si. Es Kollegepäärli hed grsd chürzlich de Fall gha, dass er positiv gsi isch und sie isch nie positiv testet worde, obwohl sie immer zäme gsi sind und sich nid hend chönne isoliere wäg de chline Wohnig. Er heds aber nur ganz schwach gha (2 Täg Chopfweh) und beidi sind 2fach gimpft gsi.

Tanja87 · 17. 01. 2022, 13:59

Bi eus isches grad letst wuche eso gsi: ich ha Halsweh gha (Sunntig Abig) 2x PCR test am Mäntig gmacht (bim Schaffe und im Testzenter) min Maa au Halsweh becho, positiv am Mäntig. Er hed sich denn isoliert. 4 Tag spöter (ich immer no Halsweh gha und no meh Symptom dezue) bini positiv testet worde, d Chind beid au😓