Immer Papa

Kommentare

• LillyFee

  5

  30. 10. 2022, 22:54

  Das gits sehr oft
  aber gsehs doch positiv so wirsch chli entlastet ☺️ und für de papa doch au schön, dass er ets mal nit nur di 2. wahl isch😉
• BAS

  240

  31. 10. 2022, 01:46

  Es isch scho entlastig aber au trurig wenn mer jedes mal abgwiese wird vom eigene chind
• snowangel

  860

  

  31. 10. 2022, 03:15

  Schind machts nöd extra um dich zverletze.. dis chind denkt nld du bisch e schlechts mami...
  Und wie lillyfee seit gits das wükli oft..
  
  Ich kenne die gschicht au, sit geburt vom zweite sohn, isch de erste sohn jetzt soo gern mitem papi und ich göns ine zwei 🥰 will min maa soo lang uf de moment gwartet het.. er het sich au hilflos gfühlt will de sohn nix mit ihm het welle mache, jetzt sinds unzertrännlich...
  
  Ich find das es suuuper timing, ich chan mich eso guet uf de neugeborene konzentriere und ha es guets gfühl willi weiss sie zwei sind zfriede mitenand..
  Stell der vor Das wär so stressig wenn jetzt de grosse nebet dir wür voll brüelle will er nur dich wet, du aber de neugeborene muesch stille de brüellet au... Und din partner versuecht zhelfe aber din 3,5 jährige wet nöd...
  Glaub mer gnüsses und göns dine zwei... Gnüss dini Schwangerschaft... Nutz es us mach chli öpis für dich.. 🥰 du machsch das sicher ganz guet und dis chind weisst du bisch sis mami und er liebt dich eso wie du bisch... Mach der kein kopf!
  Es isch nur e phase.. blöde satz.. aber isch wükli soo.. chunt wieder 🥰 kopf hoch mami und e wunderschöni restschwangerschaft. 🤰❤️

  
• BAS

  240

  31. 10. 2022, 14:54

  @snowangel danke viel mal für dini liebi wörter😊 isch scho sehr e entlastig. Icha halt echli angst dass das so bliebt u dass de 2. Evtl au so wird will au en bueb. Dassi denn halt immer ade 2. Stell wär, wär scho sehr enttüschend.
• Sonnenblümchen

  169

  

  31. 10. 2022, 15:51

  Das chan sehr guet nur e Phase si. Bi euis wechslet das immer wieder mal. Aktuell het mine de Tag dur am liebste immer de Papi, was natürlich nöd gaht, papi muess ja go schaffe. Aber am abig chehrts plötzlich und dänn dörf nur na s‘Mami. Das chan aber schnell wieder ändere. Chind müend au lerne ihri soziale Beziehige pflege. Und oft sind d‘Papis halt au interessanter will sie weniger verfüegbar sind 🤷🏻‍♀️ dänn werdets erst recht in Beschlag gno wänns dänn mal ume sind. Was i dem Alter nanig chasch erwarte isch dass sie ‚wertschätzet‘ was mir für sie alles machet.

  
• BAS

  240

  31. 10. 2022, 16:42

  Okey also hoffentloch scho ned nur wegem gschlecht hoffentlich...
• Mamelo

  425

  

  31. 10. 2022, 19:50

  BAS schrieb: »

  Okey also hoffentloch scho ned nur wegem gschlecht hoffentlich...

  
  Es brucht beides aber halt ned metenand. Da werd no paar mol ändere vermuetli
• Sonnenblümchen

  169

  

  31. 10. 2022, 20:10

  Ich kenne viel buebe wo mega Mami-bezoge sind. Aber wie d‘Mamelo schriibt, es brucht beides. Und wasi na wichtig finde, wenn du findsch din Ma macht zwenig oder denkt zwenig fürd Chind, dänn isch das e Sach zwüschet eui Erwachsene und söt wie nöd ufd chind abgschobe werde in form vo ich mache meh du muesch mich lieber ha (sorry meins imfall überhaupt nöd bös gäll, ich hoffe du verstahsch was ich meine ♥️)
• BAS

  240

  31. 10. 2022, 20:42

  Nei wird ned ufs chind gschobe. Aber eifacher ha und no dazue beliebter bim chind isch chli enttüschend. Ich meine au insgesammt schwanger si, gebäre etc. Aber denn isch mer glich weniger wichtig isch scho chli blöd wenns bliebe wür. Ja han au scho ghört dass buebe mami bezogener sind eigentli