Ideen zum Zähneputzen

tamara_s · 9. 12. 2022, 10:27

Hallo zusammen

Mein Sohn (18Monate) hasst es Zähne zu putzen. Wir haben täglich einen Kampf das wir die Zähne wenigstens etwas putzen können. Lieder, Verse, Zusammen putzen, Video schauen..alles haben wir schon versucht..wir sind langsam echt am verzweifeln. Kennt das jemand von Euch und hat einen Tipp? Vielen Dank schon im Voraus!

AnDu88 · 9. 12. 2022, 10:37

Und amene andere Ort zähnputze als im Bad? I muess au immer wieder Idee sueche 😂 im Bett oder ide Kuchi zähnputze funktioniert amigs besser als im Bad.

minggi · 9. 12. 2022, 11:55

Eine elektrische zahnbürste? Habe schon gehört das es nur damit funktioniert...

Jessica1983 · 9. 12. 2022, 14:05

Kenn ich! 🤯Ich han Büechli kauft um sZäh putze besser zerchläre. Hät es wiili guet funktioniert. Dänn mit; „oh was gsehn ich da? Da häts no Banane ect., wo muess wegputzt werde.“ und; „ jetzt strahled dini Zäh wieder“, „schmöckt fein.“ „bliibed gsund.“ und: „es isch mini Verantwortig dass dini Zäh gsund und suber bliibed.“
Funktioniert es Wiili dänn wieder Theater.
Jetzt gits bald en Spiegel ad Türe wo sie selber luege chönd…. Maö luege wie lang das guet gaht 😆

Groan · 9. 12. 2022, 17:35

Er het amel eus dörfe Zähputze und mier denn ihm und au die andere Idee, aber es sind bi eus immer Phase! Paar Täg ganz schlimm, denne wieder als wärs nüt oder sogar mit Freud… a dene Täg woners ganz schlimm finded, probieremer amel ned es grosses Theater drus zmacht. Denne tueter vlt nur selber chli umechäue oder mer lönds mal usfalle.

tamara_s · 9. 12. 2022, 19:31

AnDu88 schrieb: »

Und amene andere Ort zähnputze als im Bad? I muess au immer wieder Idee sueche 😂 im Bett oder ide Kuchi zähnputze funktioniert amigs besser als im Bad.

Mir hends hüt mal probiert, isch okei gloffe. Tüends die nöchste Täg mol so probiere. Danke für de Tipp

tamara_s · 9. 12. 2022, 19:32

minggi schrieb: »

Eine elektrische zahnbürste? Habe schon gehört das es nur damit funktioniert...

Die Idee hemmer au scho gha, wärdeds sicher mal probiere. Danke Dir!

tamara_s · 9. 12. 2022, 19:33

Jessica1983 schrieb: »

Kenn ich! 🤯Ich han Büechli kauft um sZäh putze besser zerchläre. Hät es wiili guet funktioniert. Dänn mit; „oh was gsehn ich da? Da häts no Banane ect., wo muess wegputzt werde.“ und; „ jetzt strahled dini Zäh wieder“, „schmöckt fein.“ „bliibed gsund.“ und: „es isch mini Verantwortig dass dini Zäh gsund und suber bliibed.“
Funktioniert es Wiili dänn wieder Theater.
Jetzt gits bald en Spiegel ad Türe wo sie selber luege chönd…. Maö luege wie lang das guet gaht 😆

Sone Büechli hemmer au. Es Problem isch, das er sobald er äs Zahbürsteli gseht grad es Muul zuehebet. Mir chönd ihm sege was mer wennd, nüüt hilft. Au mitem Spiegel isches Glück öbs klappet..aber danke für dini Idee

tamara_s · 9. 12. 2022, 19:35

Groan schrieb: »

Er het amel eus dörfe Zähputze und mier denn ihm und au die andere Idee, aber es sind bi eus immer Phase! Paar Täg ganz schlimm, denne wieder als wärs nüt oder sogar mit Freud… a dene Täg woners ganz schlimm finded, probieremer amel ned es grosses Theater drus zmacht. Denne tueter vlt nur selber chli umechäue oder mer lönds mal usfalle.

Üsen hät ebe nonie guet putze looh. Mir hend jetzt öppe sitere Wuche nid richtig chöne putze und drum chani au nümme so entspannt sie. Weiss aber natürlich das es kontraproduktiv isch wenni vo aafang ah scho gstresst bi. Hoffe es chund irgendwenn vo elai. Danke Dir!

AnDu88 · 9. 12. 2022, 20:01

Das wirds, wenn me konsequent drbi blibt chunnt das vo allei. Si wärde grösser und si verstöis immer besser.
Bi üs isch bi beidne so mit 2/3 jährig scho sehr guet gange mit ganz wenige usnahme.

Aber i verstoh di, irgendwenn isch jede Geduldsfade mol am ändi und me mag eifach nümme. Und zähnputze isch halt öbbis sehr wichtigs. Löcher müesse flicke isch de no e grösseri Herusforderig 🙈

Bi üs isches au scho vor cho dasi vord Badzimmertüre ghocket bi und mitem gross zäme 1h im Bad gwartet ha bis er de selber igwilliget het zum zähnputze. Ha gseit mir warte zäme do inne bis d Zähn putzt si, s Zahnbürstli isch parat und wartet uf di. Isch eigentlich gar nid mini Art aber denne hani eifach gseit jetz isch fertig, es muess jetz eifach si.

tamara_s · 10. 12. 2022, 08:24

AnDu88 schrieb: »

Das wirds, wenn me konsequent drbi blibt chunnt das vo allei. Si wärde grösser und si verstöis immer besser.
Bi üs isch bi beidne so mit 2/3 jährig scho sehr guet gange mit ganz wenige usnahme.

Aber i verstoh di, irgendwenn isch jede Geduldsfade mol am ändi und me mag eifach nümme. Und zähnputze isch halt öbbis sehr wichtigs. Löcher müesse flicke isch de no e grösseri Herusforderig 🙈

Bi üs isches au scho vor cho dasi vord Badzimmertüre ghocket bi und mitem gross zäme 1h im Bad gwartet ha bis er de selber igwilliget het zum zähnputze. Ha gseit mir warte zäme do inne bis d Zähn putzt si, s Zahnbürstli isch parat und wartet uf di. Isch eigentlich gar nid mini Art aber denne hani eifach gseit jetz isch fertig, es muess jetz eifach si.

Genau, und es Drama bim Zahnarzt wetti au nid unbedingt erlebe...🙈

Hoffe fest das es gli besseret und suscht mueni Dini Variante mitem Sitzd bliibe au mal teste😄

Gänseblümchen · 10. 12. 2022, 08:53

Wie minggi, bi üs o so gsie bi beidne kind, den hei mir üs für ne elektrischi zahnbürste entschide, und es klappet sit den super.

sonkaa · 12. 12. 2022, 16:58

Ich selbst finde eine elektrische Kinderzahnbürste da auch sehr sinnvoll, das muss ich schon sagen.
Es gibt da viele unterschiedliche Modelle. Kannst dir hier im Vergleich
( https://www.warenvergleich.de/elektrische-kinderzahnbuerste/ ) , mal die von Philipps ansehen, ist da gut bewertet.