Wie oft Spielgruppe und ab wann?

Kommentare

• Groan

  223

  27. 08. 2023, 21:08

  Ah ein Nachtrag: wir müssen schon früh anmelden, sonst hats keine Plätze mehr, daher auch schwer einzuschätzen, wie weit er bis dann ist.
• Sti

  333

  28. 08. 2023, 05:04

  Meine gingen früh und sehr gerne. Ruf doch mal bei der Spielgruppenleitung an. Die haben ja meist viel Erfahrung und können es auch eher abschätzen ob es gehen würde oder nicht.....
• AnDu88

  778

  28. 08. 2023, 06:34

  Unsere Tochter hat mit 3 letzte Woche gestartet mit der Spielgruppe. Ich durfte bleiben, da meine Tochter mich nicht gehen liess. Das nächste mal wird wohl auch noch so sein. Ich habe es mit den Leiterinnen abgesprochen und ich darf bleiben, aber auf dem „Elternparkplatz“. In der Gruppe gibt es auch sehr scheue Kinder, die aber mit der Trennung überhaupt keine Probleme haben.
  Melde deinen Sohn an, probiers aus…wenn es gar nicht funktioniert, dann kannst du sicher pausieren und/oder kriegst ein Teil des Geldes zurück. War bei unserem Grossen so, nach dem Lockdown ging gar nichts mehr…schon zu hause wurde geweint, weil er nicht da hin wollte. Wir haben dann nach den Sommerferien wieder gestartet in einer neuen Gruppe, klappte nach einer kurzen Eingewöhnungszeit wunderbar.
• Mamelo

  425

  

  28. 08. 2023, 06:37

  Wir haben mit 2.5 gestartet aber in einer innenspielgruppe, für draussen war es mir zu früh.
• Gröipschi

  148

  28. 08. 2023, 12:54

  dr grösser hei mer mit 2 i d inneschpiugruppe gschickt, einisch ir wuche. mit 3 när no zuesätzlech ä morge meh garteschpiugruppe, für witeri 2 johr (är isch es ändi juni ching u mir hei ne zrugg gschteut). dr chliner isch mit 2,5 mitem brüetsch zämä i d garteschpiugruppe (im januar gstartet), när no es witers johr garteschpiugruppe u iz das johr no zuesätzlech inneschpiugruppe aus vorbereitig füre chindsgi.
  bi üs wärs nie es problem gsi, we d eutere no müesse blibe, es erwartet niemer, dass d ching grad älleini blibe.
  i würds probiere.
• snowangel

  860

  

  28. 08. 2023, 15:24

  Min chline isch sit er 2,5 isch i de spielgruppe, er het 6 mönet brucht bis er gern dethi gange isch. Am afang het er immer mega fescht brüellt und ha fascht abbroche. Aber jetzt mit 3 und paar mönet gaht er uuhhh mega gern id spielgruppe
• snowangel

  860

  

  28. 08. 2023, 15:24

  Einmal am morge. Am namitag ischer zu müed
• Mamelo

  425

  

  28. 08. 2023, 15:57

  snowangel schrieb: »

  Min chline isch sit er 2,5 isch i de spielgruppe, er het 6 mönet brucht bis er gern dethi gange isch. Am afang het er immer mega fescht brüellt und ha fascht abbroche. Aber jetzt mit 3 und paar mönet gaht er uuhhh mega gern id spielgruppe

  
  Die erfahrig chani teile. Es esch aber au en riese schritt för es chend wo kita ned kennt ond ned em grosse stiil frömdbetreut werd
• Crystal

  262

  28. 08. 2023, 19:34

  Äs git o Spiugruppe wo d Ching nume nach dä Summerferie nämä…frag doch mau. I ha beidi ersch mit Vieri gschickt u ha bi beidnä ( sehr schüch, starch fremdä ) bim erschtä Tag hei chönne, i ha ds Gfüu si si denn parat gsi. I hätt mir dä Abschidsschmärz u ds grännä nid wöue atue jedäs Mau. Beobachtes bi viune jüngere Ching. Mine zwe si einisch ir Wuche gange äs Jahr lang u när i Chindergarte ( dr Gross isch ohni Problem vo Afang a blibe ) ( dr Chli isch jtz ersch grad ir Soiugruppe gstartet. Äs si beidi o nie ir Kita gsi u o süsch nie Fremdbetröit gsi. I bi mitenä ids Muki u id Chrabbugruppe, aber da bi ja i geng dr bi gsi. I dänkä dases eifach sehr ufds Ching druf a chunnt
• snowangel

  860

  

  28. 08. 2023, 23:03

  Ich bi am afang immer i de spielgruppe bliebe will er mich ebe au nöd het welle gah lah. Er het sich fescht klammeret und het sich nöd as singe oder spiele konzentriert sundern het mich immer welle in auge bhalte.
  
  Mir het das jedesmal sherzbroche und woni use bin und ihn no ghört ka han brüelle hani versteckt vom feschter gluegt und ha jedesmal fascht müesse mitbrüelle, fühlsch dich halt scho mega miess dass din chline denkt hey mami laht mich allei und chunt mich vlt nüme gohole. Ich ha bereits en tag vorher scho buchweh ka willi weiss de morge wird streng wenni ihn bringe. Es isch 4-5 mönet eso gange. Aber vo tag zu tag besser irgendwenn hani denn gseh wie ner sofort mite anderi chind gspielt het und gschroue und grannt und woni ihn gohole bin het er soooo viiiel verzehlt. Es isch nur no de abschied sehr müehsam gsi.
  Ha denn gmerkt dass de fehler ich gmacht han i dem ich für sooo lang immer det bliebe bin, er het sich dragwöhnt dassi die erst stund dete bliebe. Ha den mite Spielgruppeleiterin eso abmacht dass wenn ich ihn bringe sie ihn doch bitte churz id arme nimmt und ich mich verabschiede und sofort gahn, ich han scho dihei denn afange ufwärme und sege lueg chline ma, mami bringt dich id Spielgruppe denn chasch du dete male, paschlte, spiele und denn chunt dich mami gohole, versproche!
  Und das isch die best Entscheidig gsi, sie het ihn nur zwei mal müesse id arme neh damit ich sofort gahn. Irgendwenn hets ihm ahgschiesse dass ich ihn sogar gohole bin und het gseit ich söll ihn dete no chli länger spiele la. 🤭
  Ich ha am afang mitem arzt gredet ka will ich mich ebe so schlecht gfühlt ka han dass ich ihn dete wie ihm stich lahn. De Kinderarzt het mer denn gseit, es isch so entweder er lernts jetzt oder er wirds im kindergarte müesse lerne... sie chönd jetzt abbreche aber wenn sie ihn spöter wiedee ine tüend wird vlt wieder vo neuem müesse los gah mite trennig. Also hanis denn durezoge.
  
  Natürlich hani immee gluegt dass es ihn dete au wükli guet gaht obs vlt es anders grund ka het dass er ao angst ka het aber ich ha nach viel frage und versteckt luege gmerkr dass er eifach Trennungsangst kah het.
  
  Nid nur er het Trennungsangst ka sundern ich genau so 🥴 und das het er gspürt ich han ebefalls zfest klammeret i dem ich so lang dete bliebe bin am afang...
  
  Hemer beidi glernt 🤭💜
  
  Er chas chaum erwarte wieder zstarte.