Schulrucksack

Kommentare

• AnDu88

  778

  2. April, 21:11

  Mir hei denne zwar e Ergobag kauft aber i finde de rucksack aber super und er wachst mit. S Muster und form womer gwählt hei isch relativ neutral und so chaner ne no es zitli träge. Planet isch daserne sicher bis u mit 4. Klass treit. De Rucksack het denne 260.- kostet, drbii hets 2 Etuis, e Sporttäsche und e Heftbox gha.. wennmes usrächnet mit allne utensilie isches eigentlech no verhältnismässig. Kauft heimerne im Mai.
  
  Obs sone tüüre muess sii… das sicher nid. I findes eifach wichtig daser guet Sitzt resp. verstelle loht und daser e Brustgurt het zum vorne zuemache und au ggf. e Hüftgurt.
• Gröipschi

  148

  2. April, 22:31

  mir si go probiere, was ihm am bequemschte isch. i ha eifach gseit, wenn är sone tüüre wott wi ergobag oder step by step (wos jo nume im set git, was mer aber nid bruche), gits ä occassion. finges gschpunne was die choschte.
  är het sech iz fürne beckmann entschide, dä isch nid sone chlobige chaschte wi di angere, eher schmau u mä cha ds Motiv gäg ine chehre, dass er neutrau isch. hane hüt grad bschteut.
  mir hätt dr funki a4 plus am beschte passt, meh brüchtis eigetlech nid, fingi 🤷‍♀️ junior het ne aber nid so bequem gfunge.
• vilo

  6

  3. April, 18:57

  Han grad e ähnlichi Frag zu de Chindsgi-Täsche… was hett me hüt so für Chindsgi-Täsche? Längt e chline Rucksack (z.B. Deuter Waldfuchs) oder so e Umhängetäsche?
• Crystal

  262

  3. April, 19:19

  Minä het ä Rucksack vo Funki, Raumwunder oder so öpis. Fingä ä Rucksack viu praktischer aus di Täschä. U würd bim Rucksack unbedingt einä mit Bruschtgurt choufe das d Tregär nid abä rütsche. Äs brucht nur Platz fürd Trinkfläschä ud Znünibox
• Crystal

  262

  3. April, 19:22

  @Gröipschi, i welnä Lädä sit dir gsi ga luege? Du tönsch nach Kanton Bärn😇I finge di Priise äbä o gspunne
  
  Danke AnDu88 für dini Ischetzig
• Mamelo

  425

  

  3. April, 19:55

  vilo schrieb: »

  Han grad e ähnlichi Frag zu de Chindsgi-Täsche… was hett me hüt so für Chindsgi-Täsche? Längt e chline Rucksack (z.B. Deuter Waldfuchs) oder so e Umhängetäsche?

  
  Mer bliebe bem deuter waldfuchs us de spelgruppe. Da muess jo ned es riese ding si för es znüniböxli hin und här zträge. Emu före start ond wenns de spöter mol öppis anders sell si us wellne grönd au emmer chamers jo emmerno mache.
  
  Mini meinig
• SHAYENNE

  250

  3. April, 19:57

  De Ergobag bechunt mer jetzt au einzel. Choschtet aber glich no 199.-
• Gröipschi

  148

  3. April, 21:29

  @vilo mit hei o dr Raumwunder vo Funki, längt lengschtens. deuter waldfuchs längt perfekt. bi üs müesse si nid mou es Trinkfläschli mitnä.
• Gröipschi

  148

  3. April, 21:32

  @Crystal das ghörsch du richtig mir si im Shoppy gsi, vo Office World hei si eismou äbä ä Usschtelig gha. ouso Office World het es grosses Sortimänt (ussert äbä dr Beckmann, dä si mer im Müller go probiere, di hei o paar Modäu). u ha mer lo säge, dass es im Stauffacher/Orell Füssli o viu Uswau het.
• AnDu88

  778

  3. April, 22:27

  @vilo Mini tochter wird de sehr wahrschinlech ihre deuter pico vor Spielgruppe au für im KiGa träge. Das längt längstens 😃