🔴TOXOPLASMOSE🔴🤷🏼‍♀️ nöd immuuun

ALOHA · 1. 03. 2019, 16:17

Salü mamis🤗🤗

Hüt hani namal en kurze FA termin gha - sie het nackefalte chöne messe🙏🏻 1.3 isch de wert.

Au hetsi na gseit dasi nöd immun gege toxoplasmose bin. Dh kei rohs fleisch, katze kot ufpasse und im garte nur mit händsche schaffe.

Aber ich liiiiebe ufschnitt - das derfi scho oder?
Eifach fleisch immer dure braate, kei salami und tatar oder?

Danke viel mal🙏🏻

sArA91 · 1. 03. 2019, 16:21

Ufschnitt isch jo bearbeitet worde 🙂 jo kei salami, tatar rohe fisch 🙂 ich han amigs salami uf de pizza gnoh 🤣wills erhitzt wird

schaai · 1. 03. 2019, 16:46

@ALOHA ah intressant dass sie dir das grad het chöne sege dass nöd immun bisch. Bi mir isch das nie thema gsi. I gang devo us dass ichs bin welli fast 20 johr mitre katz zemegwohnt han. aber jo..ich han am afang no druf glurged ez eigentli nüme. okay tartare issich ez nöd grad und ganz rohs fleisch..aber lachs salami rohschinke wenns gad une liit chani nöd verzichte 😋

ALOHA · 1. 03. 2019, 17:02

Ja sie hend de bluettescht am mäntig gmacht😅 s‘labor het ned so lang👍🏻Ich lebe au mit katze zeme🙊 ich iss ebe au ganz normal aber ich glaub das würi mi etz nid getraue😅 wensi das scho so klar seit.

ALOHA · 1. 03. 2019, 17:07

Danke @sArA91

Bawa · 1. 03. 2019, 17:11

Ja katzeklo sett ez besser din Maa putze 😀 und halt immer guet Händ wäsche wenn mer Tier gstreichlet het... salami au nur uf de pizza oder minipic die def mer neh.... 😀

schaai · 1. 03. 2019, 17:12

jo nei wennd weisch bisch nöd immun sowieso..aber seg mol das isch möd dini erst ss du hesch scho es pasr kind oder?

ALOHA · 1. 03. 2019, 17:13

@Bawa katze machet zum glück alles dusse. Hend keis katze wc🙏🏻 aber bringet viel viecher hei und verkätschets. Die chaner au ufputze🤗😬Ohhh mini-pic. Danke😋😋

ALOHA · 1. 03. 2019, 17:14

@Adriana moll isch mini erscht😅 sind eifach 7 jahre dra gsi😬

Bawa · 1. 03. 2019, 17:14

Hihi ok ja denn isch das ja scho mol guet...jaaa ich fiiire au mini pic aber ich isse au de ander salami „roh“ bi aber immun 🤪🙄😂

ALOHA · 1. 03. 2019, 17:16

@Bawa voll😅 guet ich chönts au esse wenis vorher ihgfrühr.. aber obmers den na esse cha😬 kei ahnig.

Bawa · 1. 03. 2019, 17:17

Hehe 😉 ja seb weisi nöd...😅

schaai · 1. 03. 2019, 17:18

@ALOHA ohhh ah krass entschuldigung..ich han die gschicht nöd vu afang a mitübercho 🙈 7 johr! ez "natürlich" klapped ? sorry für mini noigier musch nöd beantworte..aber uuuu schön dass es klapped het!!

ALOHA · 1. 03. 2019, 17:22

Scho guet😅 hend selber nüm demit grechnet. Jaa obwohl fraueärztin gmeint heg dasi nie uf natürlichem weg schwanger werde chan. Hend zerscht 3-4 jahre ellei probiert. Den mitem frauearzt clomifen und eisprung uslöse mit unterbrüche. Und de wosi gseit het: ab id kinderwunschklinik - hemer demit abgschlosse vorläufig. Han den min magebypass wele mache am 04.01 und zur sicherheit hani am 23.12 na en sst gmacht, ned dasi durd OP mis kind umbringe wür. Und zägg ischer positiv gsi😅

schaai · 1. 03. 2019, 17:30

Krass!! Läck farrukt..megs cool. Schöön!

ALOHA · 1. 03. 2019, 17:33

Ja das isch echt es wunder😅 drum hani kei ahnig vode schwangerschaft.
Vo kinde hani meh ahnig wili sit jahre ide krippe schaffe aber schwangerschaft🤷🏼‍♀️ nope😬

schaai · 1. 03. 2019, 17:41

hihi..finds sooo e spannendi ziit

Bawa · 1. 03. 2019, 19:42

Oh krass Aloha... mini schwö isch leider au siit 4Jshr dra und sogar scho ide kiwu klinik und scho 2x nöd klappet 😭 uh schwierig demit umzgoh....
huch grad sone grosse ihhgriff, wirsch das trotzdem mol nu mache? Isch ez blöd mit de ss wegem zueneh? Bi ebe au chli „ meh“ aber ich hoffe ich nüm nim so viel zue wie ide 1 ss 🙈

Nessa · 1. 03. 2019, 20:10

also ich han gmeint ufschnitt au nur wens kocht isch und ned geräuchert🤷🏼‍♀️

Nessa · 1. 03. 2019, 20:12

und salat sött mer uswerts au ned esse het min FA gseit. ich ha mega uf alles gluegt.. vlt well die 1ss leider e FG xsi isch

ALOHA · 1. 03. 2019, 20:17

@Bawa oh😢 chan so mitliide. Evt lihts au dra dasi am mah zwei spezielli burgerstein vitamine kauft ha. Für spermie.
Ja wets möglichscht bald nach de geburt mache, je nach dem wies mitem stille klappt.
Bis jetzt ischs easy - fraueärztin het gad gmeint derf nurna 3kg abneh. Den sinds gnau 10kg woni ih dene 13 wuche abgno han. Mag eifach nüm so esse🤷🏼‍♀️Aber ich gah au vo mir us ab mitti märz zude ernährigsberatig, dasi nur um die 5-10kg höchschtens zuenimm. Wet au kei diabetis becho oder es feschts baby ufd welt bringe. Ob das alles so klappt🤷🏼‍♀️😅 wunschdenke.
Mal luege - haupsach am baby gahts guet😍❤️ und bis jetzt gahtsem super.

Wieviel hesch den ide 1. ss zuegno, weni frage derf?

Nelia · 1. 03. 2019, 20:26

Bi eus het au bi beidne SS min Maa Katzechiste gmacht. Ich han alles gesse ussert Lachs, Salami und Tatar. Uf min 1. Zmorgeteller im Spital sind uf all Fäll denn 3 Schiibe Salami glege. 🤗😂 hans soo vermisst gha

ALOHA · 1. 03. 2019, 20:33

Nelia so guuet😍😅 sushi heti soooooooo luscht. Aber 🤷🏼‍♀️😬 durehebe🙊😍Danke🤗

schaai · 1. 03. 2019, 21:36

@ALOHA i han mim mami letschti gseit sie sell mer denn wenn sie in spitol chunt es tartar mitbringe 😂

ALOHA · 1. 03. 2019, 21:43

😂😂😂 so guet. Gnüsses den😋😋

Samantha · 1. 03. 2019, 23:11

Aso Ofschnitt ond Schinke ess ech au... eifach nor ned roh, tröchnet oder gräucheret... ech lueg sowieso extrem wott keis Risiko igo ond Chatzeklo hät i jedere SS min Ma gmacht...

Hät dini Ärztin das vo sech us gmacht de Test?

Ond weg de Ernährigsberotig zahlt das d‘KK öbers KVG?

Tanja87 · 2. 03. 2019, 00:35

ALOHA schrieb: »

au

Ich bin i minere 1. ss übergwichtig gsii.. mine FA hed mer gseid ich wirde es „riese baby“ becho ufgrund vo mim übergwicht und am ssdiabetes woni gha han... han aber de mit de ernährig chönne medis umgah. Und us dem riesebaby isch en 49cm grosse und 3099g schwere gsunde Bueb worde☺️☺️

Tanja87 · 2. 03. 2019, 00:37

Tanja87 schrieb: »

Ich bin i minere 1. ss übergwichtig gsii.. mine FA hed mer gseid ich wirde es „riese baby“ becho ufgrund vo mim übergwicht und am ssdiabetes woni gha han... han aber de mit de ernährig chönne medis umgah. Und us dem riesebaby isch en 49cm grosse und 3099g schwere gsunde Bueb worde☺️☺️

@ALOHA hett selle a dich gah und ha welle din text zittiere🤣🤣 han aber nur s au kopiert🙈🙈

ALOHA · 2. 03. 2019, 05:50

@Samantha tröchnets fleisch derfi au ned?😨 de tescht hetsi eifach gmacht gha ja👍🏻Kei ahnig. Also KK zahlts sicher. Swica zahlt fascht alles wo mit bewegig und abneh zdue het. Bin aber au guet versicheret👍🏻

ALOHA · 2. 03. 2019, 05:51

Tanja87 schrieb: »

Ich bin i minere 1. ss übergwichtig gsii.. mine FA hed mer gseid ich wirde es „riese baby“ becho ufgrund vo mim übergwicht und am ssdiabetes woni gha han... han aber de mit de ernährig chönne medis umgah. Und us dem riesebaby isch en 49cm grosse und 3099g schwere gsunde Bueb worde☺️☺️

Danke für dis feedback. Mini frauärztin het das zum glück ned gseit. Oder nanig😬😅 ich gahn au vo mir us zude ernährigsberatig. Wili eifach so schiess han. Hoffe au chum es normal gwichtigs kind über😅 wieviel hesch zuegno gha weni frage derf?

Samantha · 2. 03. 2019, 06:33

@ALOHA be de Meinig me dörf ned wiils jo ebe tröchnet esch ond ned koched...

ALOHA · 2. 03. 2019, 06:36

Ahh danke😅 hani ned gwüsst🙏🏻

Samantha · 2. 03. 2019, 08:20

Hoff ech verzell der kei Seich... be ebe würkli sehr vorsichtig... ond wenn ech onsicher be verzichte ech ebe lieber 🙈

ALOHA · 2. 03. 2019, 08:22

Das isch lieb danke. Du hesch recht - lieber eimal meh verzichte.
Ich luegs aber den bald mit de ernährigsberatig ah - sie chamer sicher helfe😅🤗

natalie · 2. 03. 2019, 08:37

ALOHA schrieb: »

@Bawa voll😅 guet ich chönts au esse wenis vorher ihgfrühr.. aber obmers den na esse cha😬 kei ahnig.

Das mitem igfrüre isch glaub chli umstritte öb das würklich was bringt. Will bim gfrüre die Bakterie nur “schlafed” aber nöd abtödet werded 🤷🏽‍♀️🤔 aber ich bi au nöd di übervorsichtig gsi, ha vieles gässe womer nöd sötti. S risiko isch ja eigentlich sooo gring.

MaryF · 2. 03. 2019, 08:57

Jz wirfi mi ou no hurti i euui unterhauutig aus frou wo brueflech jede tag mit lebensmittu z düe het...

Esset nid (wie dir o erwähnt hejt) Tartar, Rohwurst oder rohe Ufschnitt, Pökelfleisch oder gröicherete Schinken...

Toxoplasmosefäuu heii im 2018 wieder zuegno ir Schwiz und daher würdi vorsichtig sy und haut verziichte oder ebe auues ufd pizza gheiie 😉 was ou geit isch churz ir pfanne ahbrate.
Das mitem gfrüüre isch es urauuts märli, machet das nid...
Bakterie erstarre zwar aber sterbe nid komplett ab. (Im kühlschrank schalfe sy aber ebe vermehre sech.)
Lieber dir verziichtet einisch meh, isch ja fürs bebe!

Ah und nid z vergesse gmües u frücht iiiimmer guet wäsche wüu dert cha sech de parasit ou ufhaute! Erde halt.. Darum ou das mitem Garte....

Schöns weekend!

Chil · 2. 03. 2019, 09:17

Nelia schrieb: »

Bi eus het au bi beidne SS min Maa Katzechiste gmacht. Ich han alles gesse ussert Lachs, Salami und Tatar. Uf min 1. Zmorgeteller im Spital sind uf all Fäll denn 3 Schiibe Salami glege. 🤗😂 hans soo vermisst gha

Haha 🤣 Tanja ha grd müese lache min ma hät mir direkt nach de Geburt müese es Salami Sandwich bringä 🤤

Chil · 2. 03. 2019, 09:18

@Nelia 🤦🏻‍♀️ zitiere söt me chönä...

natalie · 2. 03. 2019, 09:22

Chil schrieb: »

Haha 🤣 Tanja ha grd müese lache min ma hät mir direkt nach de Geburt müese es Salami Sandwich bringä 🤤

😂😂 ich ha 5 täg nach eusere muus geburtstag und min mah het mer müese zum znacht thonsalat mit gaaaaanz viel salami mache 🙈

Avenira · 2. 03. 2019, 09:44

Aja au bim Salat ufpasse. Kein fertig gschnittene Salat chaufe. Wen den immer de ganzi und selber zuebereite und ganz guet wäsche. 😊😉
Und mached eui ned zgrossi sorge wege de Grössi vom Baby. Das chamer e ned beiifluse. Miis erste isch 4350gr. gsi... Bin ned übergwichtig und han au kei Diabetis gha. Jetzt bini am endi vode 2 schwangerschaft und Baby wird uf 3300 gschäzt. 🤷‍♀️ 😊

SHAYENNE · 2. 03. 2019, 09:52

Das wäri suscht no es App wo dir chli cha hälfe😉

lunapiena · 2. 03. 2019, 09:55

Sorry dassi mi drischliche 🙈 Aloha wegem gwicht vom baby muesch kei Angst ha bez. übergwicht. S‘gwicht chamer selte beiflusse. Mini Kids sind 4.5kg/59cm & 4.38kg/56cm & ich bin nöd übergwichtig gsi & ha beidi mol kei SS-Diabetes ka.

Chil · 2. 03. 2019, 10:08

... ich wär gotte froh gsi min chlinä het chli me babyspeck gha!!!! Babys händ lieber es pölschterli wie keis 😘

ALOHA · 2. 03. 2019, 10:29

Danke oi.

Ich lahni mal überrasche. Haupsach sbaby und ich sind gsund😅

lunapiena · 2. 03. 2019, 10:31

Genau das isch s‘wichtigste. 🙏🏻& so chlini möckli sind au ganz süess 😍

Nessa · 2. 03. 2019, 11:11

@ALOHA nei mach der würkli kei sorge wegem gwicht.. ich han au ehner viel zuegnoh 24kg 😅😅 und mir hends immer xseit ich bechum sicher es rieseeee baby oder sogar ob ich zwillinge han?!🙄🤨 und er isch total im durchschnitt mit 3300g ufd welt cho

ALOHA · 2. 03. 2019, 11:58

Lunapiena, hesch du recht. Aber chaschder die kommentär und blick vorstelle? Es mami wo chli feschter isch und den sbaby wo chli meh speck het. Würs das ned verkrafte.

ALOHA · 2. 03. 2019, 11:59

@Nessa🌸; danke viel mal🙏🏻 das beruhigt mich echt😘

Tanja87 · 2. 03. 2019, 12:15

ALOHA schrieb: »

Danke für dis feedback. Mini frauärztin het das zum glück ned gseit. Oder nanig😬😅 ich gahn au vo mir us zude ernährigsberatig. Wili eifach so schiess han. Hoffe au chum es normal gwichtigs kind über😅 wieviel hesch zuegno gha weni frage derf?

@ALOHA Ou das isch e gueti Frag🤣🙈 isch sch 9 jahr her😅 dazumal um die 15 kg.

ALOHA · 2. 03. 2019, 12:22

Ah das isch ja easy👍🏻👌🏻

Kaischda · 2. 03. 2019, 12:24

@ALOHA i ha gmeint es isch ender so, dass übergwichtigi froue chlineri babys überchöme.. ämu bi mir u mire schwöster hets gstumme.. i bi schlank u ha es riise baby übercho u mini schwöster isch übergwichtig u het es chlises übercho.. aber es spiele gloub viu verschideni faktore mit.. hie no e spannende link zum thema:

https://www.swissmom.ch/baby/medizinisches/das-neugeborene/groesse-und-gewicht/was-beeinflusst-das-geburtsgewicht/

🔴TOXOPLASMOSE🔴🤷🏼‍♀️ nöd immuuun

Kommentare

Hey & Hallo im Forum!

Quick-Links

Kategorien

Alles zu Schwangerschaft, Geburt & Baby

Triff Mamas und Papas in:

Verpasse keine Neuigkeiten:

Entdecke unsere Aktionen: